گنه باخ گوزل شوکت دیوانیه سن

شراب زهره،قدرت پیمانیه سن

ایچرم باش چالارام در و دیواره گوزل

گورمارام توخوناسان حرمت میخانیه سن

دعوت ایلرم هر عاشیقی اوز عادتیمه

گل داخل اول گوزل غربت خانیه سن

تاپیلار خانه ده بیر شمع یاندیرار سینه لری

گل گور سوخته لری،باخ عزت پروانیه سن

بو گوزل لحظه لری کی غم انتظاردن دولودیر

ترجیح وئرمسن آیری دعوت غمخانیه سن

یاش گلر گوزلروندن،کلبه ی احزاندور بورا

داستانی وئرمسن مین ایل لیخ قدمت افسانیه سن

عشق بودور،جز بو هامیسی افسانه دور

داغیدامماز دشمن،گولسن همت بیگانیه سن

دوزدیر ساتیلیر مردمین عشقی بیر هوسه

اوخو داستانی،باخماسان لذت نفسانیه سن

یئتیشیب آخر شعر،سن گال عاشیق ریاحی

پشت پا ویرماگینان زحمت جانانیه سن.

(شاعر:میثم ریاحی)

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: